Lesakako  tokiko bilduma martxan jarri genuen aspaldi. Bertan lanean aritu gara bai Ereiteneko kide batzuk eta baita auzolanean elkartu diren lesakar batzuk ere.  Webgune batean biltzen ari gara artxiboko espedienteen deskribapenak,  dokumentu zaharrenen digitalizazioak, jaietako programak eta baita herritarren artean bildutako argazki zaharrak ere.

Hau elikatzen jarraitzea da asmoa etorkizunean: eduki gehiago digitalizatu, aldizkariak igo…

Lanean jarraituko dugun arren, dagoeneko ikusgai dago hemen bildutakoa.

Lan honen ikusgarritasunarekin bat etorriz, erakusketa bat ere zabaldu dugu egun batzutan zehar paperean ere ikusi ahal izateko egindako lanaren zati garrantzitsu bat.

Prentsan ere agertu da lan hau esaterako Berrian, Diario Vascon eta Erranen.