Ingurumena zaintzea eta baliabide publikoak modu arduratsuan kudeatzea ez dira elkarrengandik bereizten. Urola Erdiko Mankomunitatea birziklatze-sistemaren sendotze lanetan zentratzen den arren, artxibo dokumentalaren kudeaketa bera sendotzeko apostua egin du azken urteetan. Bi esparru hauek elkar uztartuz, mankomunitatearen eguneroko jarduna jasangarriago, eraginkorrago eta gardentasun handiagokoa bihurtzen ari da.
Hondakinen eta dokumentuen kudeaketa arduratsua
Birziklatze-zerbitzuari dagokionez, erakundeak birziklatze sistema du martxan, garbiguneen erabilera sustatzen da, konpostaje programak zabaldu dira, herritarren hezkuntza eta kontzientziazioan lan egin da, etab. ekintza aurrera eramaten dira zaborraren kudeaketa egoki baten izenean.
Bestalde, artxibo dokumentalean egindako lana ezinbestekoa da barneko antolaketa hobetzeko:
- Dokumentuak sailkatu eta digitalizatu egiten dira, eskuragarritasuna erraztuz.
- Kontserbazio-epeak aplikatzen dira, baliagarritasunik gabeko dokumentuak suntsitzeko.
- Administrazio elektronikoarekin integratutako espediente-kudeaketa ezarri da, prozesuen egokitasun eta jarraipena bermatuz.
Emaitzak eta inpaktua
2024an, Urola Erdiko birziklatze-tasa %66ra iritsi zen, eta artxibo zerbitzuaren bidez 2664 dokumentu unitate digitalizatu eta 1500 espediente edo serie frakzio, artxibora transferitzeko zain zegoen %100, deskribatu dira. Horri esker:
-Ingurumen-karga murriztu da.
-Espazio fisikoa eta baliabide teknikoak optimizatu dira.
- Prozeduren denbora laburtu eta langileen efizientzia handitu da.
Etorkizunerako bidea
Mankomunitateak jasangarritasunarekin eta efizientziarekin konprometituta jarraituko du. Hori lortzeko, ezinbestekoa da bai hondakinen kudeaketa arduratsua, bai artxibo dokumental sendo eta dinamiko bat izatea. Bi zutabe hauek sendotzen jarraituko du, eskualdeko zerbitzu publikoak etengabe hobetzeko.
Birziklatu, sailkatu, antolatu eta kontserbatu ez dira eguneroko keinu hutsak. erakundearen zerbitzuen kalitatea hobetzeko, ingurunea zaintzeko eta baliabide publikoak modu arduratsuan erabiltzeko funtsezko ekintzak dira. Hondakinak ondo kudeatzea eta dokumentuak modu arduratsuan artxibatzea eskualde efiziente eta jasangarri baten oinarri sendoa dira.