Azken artikuluak

"Oguey eta amamar milla ta bosteunda laroguetaçorçi" horiek dira Asteasuko Udal Artxiboko XVI. mendeko dokumentazioan topatu ditugun euskaraz idatzitako zenbakiak. Honen inguruan, Ereitenen blogean, Iago Irixoa lankideak egindako hausnarketa argitara eman dugu.

Apirilarekin batera Koldo Mitxelena Liburutegiko Luis Gasca bilduma katalogatzeari berrekin diogu. 11.000 ale inguru dira dagoeneko deskribatu ditugun komiki, aldizkari, liburu, marrazki original,… Komiki eta zinema gaiak dira funts honen ardatz nagusiak.

Pasaiako Udalak sustatutako Zabaldiya bildumako lehen zenbakia da Literaturaren Pasaia.

Fanzineen aroa atzean utzita, autoedizioarenean omen gaude. Halere, isbn-dun argitalpena egiteari ekin diogu. 'zine kutsua badu ere; autoekoizpena bada ere. Are: gure kabuz egindakoa da; ez digu inork halakorik eskatu; inork ez du halakorik espero.

Ez al da beti horrela izan, ala?

Honekin batera "Hondamuinean 6 hilabete geroago" irakurri ahal izateko esteka ere eskuragarri jarri dizuegu. Beti ere lehena irakurtzeko astia hartu eta amaitu duzuelakoan, noski! Zerocalcareren bizipenak eta bizipozak, gordinean, oso gordin! Porrot posible guztiak gauzatu dira. Erakundeak herritarren etsai. Zerocalcare bere betean gordinez eta esperantzez.

Honen bidez gure arloan lanean diharduten Gipuzkoako enpresaburuen elkartea aurkezten dizuegu: GALDE, hain zuzen ere. Lanaren nolakotasuna sustatzea dugu Elkartearen lehenengoetako helburutzat, nolakotasun hori, arrazoi desberdinengatik, gero eta gehiago lausotzen ari baita, degradazio kontzeptuala zein laboralaren ondorioz. Egoera honek lan baldintzen okertzea, intrusismoa, deslokalizazioa, profesionaltasun eskasa... sortu ditu.

Urteari hasiera ona eman diogu, ia amaitu genuen bezala, KOMUNITATEA hitza lehen lerrora ekarriz. Komunitatea kasu honetan, eta liburutegi baten ikusmoldetik begiratuta honakoa da:

ZAINTZA. ONDOKOA ENTZUN. ERABILTZAILEAK AKTIBATU.

TOKI ATSEGINAK ESKAINI

Zumaia Urola eta Narrondo ibaiek bat egin eta itsasoratzen diren tokian kokatutako herria da. Kokagune honek bere historia baldintzatu du itsasora begira bizi izan den herri bilakatuz. Portu garrantzitsua izateaz gain, ontziola garrantzitsuen kokagune ere izan da herri hau. Gaur egun oraindik itsasoarekin lotura estua duela ezin uka.