Azken artikuluak

Gipuzkoako Artista Berrien erakusketa zabaldu berri da Koldo Mitxelena Kulturuneko Erakustaretoan. 44.

Emakumearen Nazioarteko egunaren bezperarekin bat eginik, datorren martxoaren 7an, arratsaldeko 5etan, Armagintzaren Museoak ekintza berria sustatu du 8 urtetik aurrerako edozein norbanakori zuzendua.

Ekainaren 16a egun berezia izango da, zalantzarik gabe. Joan zitzaigun Joxean Artze Agirre. Eta hurrengo larunbatean, ekainaren 16an, omenaldi herrikoia egingo zaio Usurbilen. Egun horretarako antolatutako egitarau zabalaren barruan, 10:30etik 11:30era, HARRIA HITZ bisita gidatua eskainiko dugu herrigunean. Euskal tradizioa eta modernitatea ederki uztartu dituen herria da Usurbil, baita euskal sorkuntzarekin konprometitutako herria ere. Inon baino hobeto islatzen da 60ko hamarkadan Euskal Herrian gertatu zen kultura-eztanda eta baita eztanda horren ondorena ere.

HARRIA HITZ bisitaren udako egutegiari jarraiki, abuztuaren 4an bisita berri bat burutzeko aukera izango duzue. Musika Hamabostaldiaren barruan antolatuko den Organo kontzertuarekin batera, herrian San Salbatore eliza ardatz izango duen bisita proposatuko dizuegu eta, bide batez, arratsalde-pasa ederra egiteko aitzakia ere bai, arratsaldeko 17:30etatik aurrera. Urkoren abestiak dioen bezala, Usurbilgo elizaren hormak sendoak dira. Eta horma sendo horiek herriko historiaren hainbat pasarteren lekuko izan dira.

Bere txikitasunean, herriko liburutegia etengabe eraldatzen ari da.   Liburutegia berdintasunean erabiltzeko gunea da, ikastea, irakurtzea, sortzea... mundua hobeto ulertzeko gunea.   Pandemia garai honetan, aisialdia, informazioa, kultura eta bilgune segurua, dena batzen du. Beti ere babes neurriak barneratuta.   Nazioartean ospatzen den liburutegiaren eguna den honetan, gazteentzako irakurgaiak berritzeko eta irakurketa berriak ekartzeko esfortzua egin du udalak.

Getariako Liburutegian neguko olatu handiak hartu eta programazioarekin aurrera jarraitzen dugu oholaren gainean. Abenduaren 15ean, arratsaldeko 17.00etan, Uxue Alberdi idazlea etorriko da gurera bere liburu berria irakurri eta aurkeztera: "La Belle". Haurrentzako kontakizun ilustratu honetan German Rodriguez edo "German Txiki" getariarraren bizipenak kontatuko dizkigu, honek zirkuan izandako gora-beherak direlarik istorioaren muina.

Haizea Barcenillak komisariatutako erakusketa hau, letra larriz idatzitako Historiaren eraiketaren erreflexiora gonbidapen zuzena da. 13 artisten lanen bitartez, Barcenillak, gertaera historikoak, kasu honetan, Donostiako 1813ko setioa, abordatzeko orduan agertzen den konplexutasuna azaldu nahi digu.

Olagarroak badu zumaiarren nortasunarekin nolabaiteko erlazioa. Hauek, gainera, beren kulturaren ikur bereizgarri bezela hautatu dute. Zefalopodo honi eskainitako egun bat ere ospatzen da iraileko hirugarren larunbatean, aurten “XI. Olarro Eguna” izanez.

Getaria, hiribildu harresitua izan zen. Erdi Aroko harresia lehenik eta baluarte modernoa ondoren. Harresiak babeserako elementu garrantzitsua izan dira historian zehar; kanpoko erasoak saihesteko modurik egokiena. Getariako orografiak babesgune naturala eskaini arren, kostako eta lurreko hegalak izan ziren gehien sendotu zirenak.